Ministri i punëve të Jashtme Behgjet Pacolli, ka takuar në Nju Jork homologun e tij nga Brunei Darussalam, Shkëlqësinë e Tij, Pehin Dato Lim Jock Seng.

“Kisha një takim shumë të këndshëm bilateral me homologun tim nga Brunei Darussalam, Shkëlqësinë e Tij, Pehin Dato Lim Jock Seng në ambientet e Konsullatës së Republikës së Kosovës në New York”, ka thënë Pacolli.

Ai tha se me këtë shtet do të nënshkruajnë Marrëveshjen për Mbrojtjen e Investimeve të Përbashkëta.

“Do të ketë edhe nënshkrim të Marrëveshjes për Mbrojtjen e Investimeve të Përbashkëta”, ka shkruar Pacolli.

Postimi i plotë:

Kisha një takim shumë të këndshëm bilateral me homologun tim nga Brunei Darussalam, Shkëlqësinë e Tij, Pehin Dato Lim Jock Seng në ambientet e Konsullatës së Republikës së Kosovës në New York. I shpreha mirënjohjen time të thellë për miqësinë, respektin dhe hapjen për thellimin e bashkëpunimit në mes dy vendeve tona. Për shtet mike largësia gjeografike ka pak rëndësi. Pozicioni strategjik i këtij vendi ofron shumë. Shprehëm interesimin për organizimin të një Forumi Ekonomik në Brunei. Do të ketë edhe nënshkrim të Marrëveshjes për Mbrojtjen e Investimeve të Përbashkëta.